1761-LU-etnografiska-eskpedicija-01-0047
KrājumsLatviešu folkloras krātuve
KolekcijaLU Filoloģijas un filozofijas fakultātes etnogrāfiskā ekspedīcija
Atslēgvārdi
Atšifrēja Magdalina
Pabeigts
Pārbaudīts
Labots 2019-02-11 11:39:47
Atšifrējums [1761] 272 - 283

272 

414.
Klausīs, tautu naveiklīts,
Kū dzīd meitas izdevīnas.
Turi prōtā, ņem gaumē,
Glabā savu ļaudaveņu.
Pījem jū iz rūceņas,
Satin kojas kažūkā. 

273

 415.
Kūkoj ōra dzagūzīte,
Tu kūkovi as raudavu.
Tu kūkovi ōra kūku,
As tīs sovas momuleņas. 

274

 416.
Vīra muote bādāvās
Tukšu pūru atvaduse.
Nabādoj, vīra muote,
Dzīva būs tova doļa.
Pašā pūra dibunā
Ir tārauda zūbeniņs. 

275

 417.
Ļeigūdama vīn staigovu
Šū garū vasareņu.
Izļeigovu bruoļam sīvu,
Sev diženu orājiņu. 

276 

418.
Sasadzina cīma goni,
Sazamāve raibaļinas.
Ņi telītes bēdavos,
Ņi māsiņas lamavos. 

277

 419.
Pōri goju zaļu birzi,
Rūkā nešu vainadzeņu.
Kabu mani naizbirtu
Brōļu pirkti vizulīši.