0670-Valentins-Repss-0019
TranscriberAnna9
Completed
Accepted
Updated2020-02-16 20:51:41
Transcription (text)par placu nu aizmugures izgoja vylks. Jauneklis vylku tai pat sagrobis porlauze un porsvīde caur placu. Tulaik izgoja locs, viņš ari tū porlauze un porsvide. Tod izgoja ļovs, bet tū vinš navarieja porlauzt. Viņš tai pat paeme un porsvīde caur placu. Piedeigi izgoja kieneņa meita. Itū radzādami kienenš un viņa gosti ļūti nusabeida un kod redzieja kienenš sovu meitu otkon dzeivu, vinš pavaicoja nu sovys meitys: "Kū tovs veirs tev darieja." Viņa atbildieja. "Vinš izdzyna nu munys sirds vysus ļaunus gorus kuri beja palykuši. Tagad es esmu teira, navaineiga un laimeiga." Kieneņš un vysi koziniki aizbrauce uz pili un guļoja kozys Nokušā dīna jauneklis gribēja it pi sova tāva. Bet kienenš viņa vīna poša nalaide. Tod vinš paēme sovu sīvu leidza un aizgoja uz azaru. Viņa tāvs apsveice viņus ar lykumeigu laulošonu un pascieja uz sova dāla: "Es tev paleidzieju viņu atdzeivynot un tev apsorgošonys laika devu sovu pamoceibu, par tū tu dud maņ pusi sovys sīvys." Dāls labprot atdeve. Tūlaik tāvs paeme ciervi un porcierta pa pusei izlykušy uz laivys
Transcribe text
RepositoryArchives of Latvian Folklore
CollectionCollection of Valentīns Repša in Gauri parish
Keywords

We use cookies to improve your experience on our website. By browsing this website, you agree to our use of cookies. Read more.